Mar mar, marakaan ka
fakaro dadka Soomaaaliyeed ee qorbajooga ah—oo aan ka mid
ahay—waxaan xussustaa heeskaan
oo niman Maraykan ah ay qoreen.
Markay qoreen waxay ka
hadalaayeen afar boqol (400) sanno oo isticmaar oo ay dadka
Maraykanka ah oo mad madow ay soo mareen.
Dadkaasu mad madow waa dad
aad u bahdilan. Waa dad si xun la Abuwuusay
oo waa dad aan garankarin meesha ay ka yimaadeen sababtaasuna waxaa u
ah in si aad u fool xun oo sharci daro ah loo geeyay qaaradda lugu
magacaabo maanta qaaradda Maraykanka, oona beeraha dadka gaalada cad
cad loogu isticmaalay sida xoolo la rarto.
Maanta waxaa jira cadaadis
xun oo kaga imaanaaya dhanka dhaqaalaha dadka ah gaalada cad cad oo
reer Yuurub iyo reer Maraykanba isugu jira waxayna rabaan in ay
helaan meelo cusub oo ay u dirikaraan dadkooda tababarrab oo
dadqolattada ah, waxayna jecelyihiin in dadkaasu meelo cusub ka howl
galaan oo ay soo abaabulaan qabsoshada beero cusub oo qodis cusub ama
isticmaar cusub loo gayb karo ee qarnigaan 21-aad.
Sida dadka Soomaaliyeed ay
ula socdaan (meelkasta ay joogaan) dhulkii Soomaaliyeed waxaa
iibinaaya dad shisheeya oo waxay dadkaasu shisheeya run moodeen
beenta ay isu wada sheegeen oo ah in Soomaalidu yihiin dad cawaan ah
oo aan kala jeclayn hadii dhulkooda—dhulkii Illaahay siiyay—in
laga qaado ama in laga qaadin!
Waxaan rabaa in ay dadka
Soomaaliyeed, qaar ahaan dadka Soomaaliyeed oo ku nool gudaha
dalkeenii in ay kalimadaha heeska aan ku lifaaqay meeshaan (oo rag
mad madow oo Maraykanka ah ay qoreen) ay wax ka faa'iidaystaan oo ay
gartaan in dadlkoodii ay dadka shisheeya ay rabaan in ay isticmaaraan
waqtiga hada lugu jiro.
Waxaa ogaataan taariikhda
jirta oo waxaa is waydiisaan hadii dad la gumaysanaayay 400 sanno,
maxaa keenay in ay xoriyadooda maanta raadiyaan?
Hadiina ay xoriyyadooda u
dagaalamaayaan maanta, maxaa adinka—oo dad xornimadda u dhashay
adinkoo ah dad Soomaaliyeed—uga fakaraysaan imisa sanoo oo hor leh
isku duubaaya calanka buluuga ah oo callamadda u ah qaranimadii
sharaftalahayd ee Jamhuuriyadda Soomaaliyeed.
Waa in la iswaydiiyo,
maxaa dadkeena Soomaaliyeed oo walaalaha aan wada nahay ku qasbay in
ay taageeraan dad la mid ah!!! Sh. Shariif iyo C/raxmaan
'Faroole'!!!?
Dad keena dhalinta yar
maxaa ku dhacay? Maxaan u waynay dad dhalinyar oo u soo istaaga
difaaca dalkeena???
